Ikut panda la ! (get it back -Second Combat)

Catatan buat seorang "Manusia"

Mang!,
Dulu mung tebeng
Pukul tali, gune tulih
Tanye aku ggittu-gginning
Guane gamok, guane hal
Akang diri mung, uleh ke dog uleh ning?

Tengoh nettang depang TV
Tik…tiik...tik…tiik… mari bunyying
Soal lah mung akang aku
Akang se khije ning
Kate mung “jage ikang”
Aku kate ‘silekang!’
Khije jage-jage ning aku memang wahi sakang
Pulok dog jauh, nittah sepadang
“ Gaji rendoh pong kire padang,-
Hok akhirat nuuunng buleh sahang!”

Bejammang mung ttappe
Nok wak keputusang se
Lah-lah uleh jawapang
Hok ning kediang sekali, hok utame serekat keluarge
Aku kata doh nok wak guane,
Kok panda mungla, aku ghoyat je!
………………………………………………………..

Mang!,

Aku tengoh ralek pegang stering
Tik..tiikk..tik…tiikk.. mari bunyying
Soal pulok mung akang aku
Akan se khije ning
Kate mung khije “ ‘ngeccat’ –
Kira padang ah ngang bakat
Cuma mung kena banyok2 mikkir, kena banyok2 ingat
Sebab hok lame kening, mung khije tinggi seperekat –
Dulu ngeccat umoh ‘mewoh’
Akan tawarang ning, ngeccat umoh tamang!”
Tapi ye same-same khije ngeccat belake
Kate mung, mung suke
Aku pun suke gok sbenornye
Kadang gok aku wat senyak
Nok suruh mung wasse dog terikak
Kate mung kena “ training dulu la!”
Aku kate “duli hape, training-training gi la!”
…………………………………………………………..

Baru balik mayyang Ise
Masuk pulok meseh se
Tik..tiikk…tik…tiikk.. bunyi die
Soal pulok mung ke aku, hok baru mung juppe
Khije jauh jugok bunyinye
Tapi,- bunyying macang mung wahi
Gamoknye mung takut aku pulok beci
Aku kata ;- “suke ati”
“ Doh aku pie?, nok kate dok buleh, nok kate jangang gi!
Ikut panda mungla, mung besor doh! Uleh mikkir sediri”
Ko’ bahse ‘standard’ pulok aku wi ;
“ Perlu diingat, benda yang kita suka, tak semestinya kita perolehi – benda yang kita terima pula mungkin sebaliknya benda yang dulu kita benci”.
Hor, ko’ bahse ‘standard’ teruh aku wi
Tapi hok tu la hakekat hidup kita ni…
Senyap sunyi pah ke ari ning
Aku pong malah nok bunyying
…………………………………………………………………

Tik..tiikk..tik..tiikk.. bunyi pulok
Taing aku duk tengoh gallok
Kate mung, mung setuju nge pilihang ke due
Aku kate, kalu mung setuju, aku pong suke;- sekali ning,
Memang zohir aku kate

Mung royat pulok
Nok bereti kalu dog rok
Bukang uleh gaji supe nge tokey balok
Yang duk sungguh tebeng, sungguh terok-terok
Dalang ati aku, laaaa……pulok!

Aku wi cadangang nok biccang
Mung kate “dog payoh serabut-serabut ;-
Kang ke mung hok buat pilihang
Mende-mende mung tanggung sorang”
Dalang ati, aku kate ;- kok panda mung ah Mang!

"Sesungguhnya sesudah kesulitan itu ada kemudahan" - Alam Nasyrah 94:06